見客

2007-07-24 日記

果日要著哂成套西裝返工，因為要同我老細同另外一個同事去接見某間美國銀行既人，佢地黎主要係sell 佢地既euro 服務，希望我地用佢地作為匯款中介銀行，佢地共有四個人，一個香港人，係公關，一個英國人，做treasury，一個印度人，係product manager，仲有一個中國人，負責大中華既事務，睇佢地既卡片，外資行好興，個個都係vice president，都唔知一間銀行有幾多個行政總裁，d title 個個寫到有幾勁得幾勁。宜我只係一個小小既低級主任仔，真係蚊比同牛比。

其實間唔中我都有機會去各大外資銀行搞既seminar，我幾鐘意去呢d 地方，因為有得食野，有得學野，又唔洗做野，真係一份優差。食既野唔係差架，通常係去五星酒店食buffet lunch，聽完重有紀念品，真係名符其實又食又拎。