試機

2007-08-21 日記

尋日雖然返工，但係工作地點唔係中環，今次去左旺角銀行中心IT 部，約左電子銀行部既Garison 10點，所以尋日可以遲d 起身，平時七點，宜家八點九先起身，去到準時十點正，其實我去旺角既原因係我宜家搞緊個網上銀行project ，要去it 部試下個新function 得唔得，而Garison 係同我一齊搞既，所以同佢一齊去試。

我試既程序都係跟返由客人係唔同既日期同情況係網上申請到電報發放出街，睇下中間既流程係咪暢順，一開始試，試左係唔同日期同情況好似工作日，星期六日，假期同打風既日子，個系統點調節，係網上個part 就無乜問題……….d error message 都出得岩，但係去到要打電匯時就試唔到，因為it 個度set 個dumpy機set 得同真實唔一樣，所以d 日子就亂哂，網上system 同匯出匯款system 都唔一致，所以只係可以有限度既測試，咁樣搞黎搞去，結果晚夜七點先走，全日要同it d 人研究，諗好多野，好累，早左訓，十二點半就訓左。