特別日子

2007-09-01 日記

尋日真係一個特別日子，又係我生日，mandy 見家長，同埋測驗，一早mandy 就黎左我屋企，本來約十點，佢記錯左時間，九點已經黎到，同我呀媽打聲招呼，又係我間房用電腦，我呀媽睇緊電視，我叫佢出去同我呀媽傾下計，我就沖涼準備出去飲茶。

去麗豪酒店飲茶，連岩呀爺呀嘛六個人，我地叫左好少野，埋單三百幾蚊，其間我問呀爺mandy 做野個度點安排，佢好似先醒起咁，佢話九點半先返工，其如就無講啦。飲完茶一點，我陪mandy 去太子交收，去到尖咀發覺唔夠時間去北角，咁大家就各自各散。

我去到嶺南個度兩點三，時間岩岩好，兩點半開始測驗，100 條mc 3 個鐘，頭25 條係quantitative method，有好多唔識計，因為我準備唔夠，做得唔夠多，結果25 條內我諗得一半係識做，無計啦，放棄，之後我做左51 – 80 題mc 先，因為係derivative 同alternative investment，我最熟，果然呢三十題好快就做哂，不過都有1-2 條唔識，81 -100 係portfolio management，我都ok 既，都好快搞掂，做返26 – 50 個d econ. 題目，無讀過，一條題目都無practice 過，去考天才，都有幾條唔識做，我希望呢份卷有50% 岩已經好好，我宜家知道我唔掂係邊part。

測完五點半，入屯門黃金海岸酒店食buffet，以前未試過，去試下，三百三蚊位。間酒店個大堂好大，幾靚，去睇有咩食，嘩，原來有好多野食架喎，日式刺身，海鮮，又有燒烤野食，我鐘意佢個燒烤，d 曼魚岩岩燒起，正。原來生日月份張單有八折，咁唔洗三百幾蚊個人啦。呢間野都值得再去食，係遠左d 姐。尋日mandy 電左髮，又染左個頭，仲帶埋灰色既con，成個mix咁，仿佛好似有個新女朋友咁，哈哈。