國興證券有限公司

2007-09-06 日記

宜家mandy 係我地公司度做，成日都見到我呀媽，我初初擔心佢地相處得唔好，結果只係我多心姐，佢地宜家share 一盒飯食，又食完飯一齊出去行街，有傾有講，關係好似幾好。

我宜家可以從mandy 得知公司既情況，佢話尋日呀爺見客，傾關於有d 大陸客想經我地行買香港股票，呢個係好消息，估唔到我地細行都可以分到一杯，但係我知道宜家未係可行，因為一來中央未批，二黎細節野仲未傾好，audit 既，compliance 既事宜要諗點安排，我睇到報導話中國有人組團黎香港開戶買香港股票，但係證監話呢d 係唔合法，我諗短期都唔會搞到，但可以預早準備。

之前我擔心公司會唔會執笠，原來佢比我想象中強好多，只少客戶基礎係堅固。我心中已經諗到發展方向，我期待回歸既一日。