一月一大餐

2007-11-03 日記

星期六又係一月一大餐既日子，個日上完最後一堂 CFA 就飛去” 隨你鐘意” 買壽司食，今次我呀媽話d 壽司去Taste 度買，咁我淨係買刺身啦，有人share，我就可以買多d 啦，買左一板海膽，170 蚊三文魚刺身同兩pack 甜蝦，共348 蚊，好正，今次實夠食。

搭車返屋企，見到有架680x ，唔理三七二十一即刻上左車，平時搭開680 ，680x 係express 黎，未搭過，上左去，見佢飛哂北角個邊d 站，過左銅鑼灣即上天橋，諗住慳好多時間啦，點知見住架車飛過埋我屋企，哈，原來express 到直去馬安山，即刻第一個站落車啦，好彩同一個站有85k 搭返去，咁都好d 。搭85k，原路我睇到好多新事物，經過恆安，大水坑，原來除左屋村外，仲有d 好新既屋苑，有哂會所，d 樓都幾靚，真係新奇。用多半個鐘先返到屋企。過多幾個字mandy 就黎到啦，呀媽買左好多壽司，但係大部份又係三文魚，真係好”掛”。

飲飽食醉後，有阿仙奴對曼聯做dessert ，呢場波好睇呀，阿仙奴個中場組織真係好勁，可惜曼聯都唔曳，攻極都攻唔到。睇住阿仙奴最後十分鐘全力追，真係精彩，好彩都迫和 2-2 完場，成場波都好快，好高水平，真係好睇。