爺爺大壽

2007-12-14 日記

尋日係呀爺生日，一如往年，係澳門賽馬會搞大壽，宴請三圍親戚朋友。尋日早左收工，經行人天橋，六點半左右到達。去到坐左陣，同呀惠姑姐傾計，佢話佢介紹左個同事黎”國興”開戶口，因為佢忍受唔到緩慢既銀行網上買賣，及係銀行抽新股要hold 十幾日先放得。佢又話其實證券行仲有得做，因為佢都有好多野比銀行優勝，例如效率同收費。

八點左右開始有得食，有雞煲翅，原隻鮑魚，又有炸子雞同魚，可惜因為係匯兌部食左個下午茶，所以最尾個d 都食唔到，結果又係又食又拎，拎多過食。其間同呀袁國基叔叔傾計，原來佢個女係人事顧問公司到做consultant，佢比左佢張卡片我，我可以send 個e-mail 試下有無機會。食完埋單，食左二萬四蚊，有錢人係唔同d。

最尾坐埋人地車返屋企，成十二點先返到去，已經好累，今日又要返工，真係慘。