做冬

2007-12-22 日記

果日個肚都好返七七八八，走左去跑馬地踢波，同d 永隆人踢，我又係零狀態，零表現，全日都唔知有無踢過十腳波，但係好過無啦，落場走下當跑步。

踢完六點四，即刻搭680去呀嘛度做冬，返到去七點半左右，有得食，做冬又係食個d 野，有雞，有魚，有鮑魚，有臘味，我見到d 臘鴨好正，我好想食，但諗起岩岩好返，就無謂博。呀嘛話個d 鮑魚係35 頭，即係一斤有35 隻鮑魚，如果四頭即係一斤得四隻，可想而知係幾咁重同大，我問個d 係咪南非鮑，佢話南非鮑雖然大，但係煲極都唔”林”，所以唔好食，佢又話最好係中東鮑同日本既吉品鮑，我都好想試下有幾正。