考勤記錄 2007

2008-01-15 日記

一年一度既派成績表終於都到，唔係讀書既成績表，而係做野既考勤記錄。比呀姐叫入房，諗住想用電話錄音，但係唔小心close 左個program ，搞到錄唔到，真係大意。佢比張考勤記錄表我睇，上面有你各方面既評分，同埋對你既評語。

我係”個人能力”個度都好多個5 分 (1-6分，1最低)，5 分代表”優於預期”，其他方面就大多數係4 分 (符合預期)，其中專心個方面佢比得3 分，即係要改進，我問佢點解比3 分，佢話我講手提電話喎…………..車，成日比條老女人霸住個電話，用佢電話耐少少又比面色我睇，咁我點用電話呀………除左話我，我都有可取之處既，佢話我做洗黑錢既工作做得好好，做到連金管局都讚我，難得我試過話鬼佢地都讚我，咁真係多謝哂。其實我都唔係做到d 咩野姐……只係做返份內事。

整體分數有105 分，比上年有進步，但評級同上年一樣都係B，有鬼用咩…..又無得升職。