重考會考﹖

2008-01-26 日記

果日同Mandy 去左太空館睇恐龍。好耐無去過太空館睇戲，本來想買三點十，點知無哂位，為有買七點四個場。仲有d 時間，行左一陣街，食左個tea，去左文化博物館，但無去買飛睇展覽，只係去佢個賣紀念品間店行左一陣，個大堂有個活動，叫做”蛙叔教你寫揮春”，個呀叔化哂裝咁，教d 細佬仔寫揮春，當然係好有創意個隻啦。

去左Sogo 行下，買左d 野食，Mandy 就有收獲啦，買左條頸巾。仲有時間，Mandy 又話行得累，去左Pacific Coffee 坐下，好好彩有Sofa 位坐，買左杯特大熱朱兩份飲，佢有佢打NDS，我就眼訓差d 訓著左。

七點起程，部片長40分鐘，睇完有d 失望，雖然係3D，但無咩殺戮場面，所以都幾悶。睇完八點，因為未餓，去左海傍坐左陣，都唔一陣架啦，坐左成個鐘，傾下計咁，睇到隔離對情侶係到卿卿我我，好似係度錫緊咁，但個身阻住睇唔清楚，之後睇真d ，原來係兩個女仔。

之後去左California Pizza 食野，由於夜，唔洗等好耐就有位。食少少野就算，一個小食加一個pizza，都ok 夠。其間我地討論會考既問題。我話我有諗過考返會考，考返張full cer，因為此中呢個係我心裡一個污點，係永不磨滅既污點。Mandy 話: 你唔好考啦，一陣因為你搞搞震而令到一d 人本來拎A B既down grade 左就真係多得你唔少。哈哈，真係好奇怪。一個大學畢業既人走去考返會考，可能真係笑死人。我宜家搵工人地都唔睇我中學A-level，更加唔睇我會考，我考黎其實都無咩用，只係可以舒緩我心裡一些內疚感。