情人節 2008

2008-02-14 日記

果日係情人節，每年公司都會有人收到花，我估我地部門會有3 束花，”呀馬”估2 束，結果係2 束，我問上年有收花既同事做咩今年無花，佢話買花既錢加左落去買禮物度，所以無花收，估錯左，不過錯都無咩關係，都係打下牙較姐。

Mandy 早前話會比個驚喜我，原來佢買左d 朱古力，煮融佢整落個模度，再雪凍佢就會變左第二個形狀。但係結果都無收到，因為佢之前個日太累同夜，未有時間做。都唔緊要啦，有心就得。

夜晚去左我地既日本野飯堂”上裕”食飯，果晚超多人，又唔夠人手，好彩我地早去先有位，但係都坐得好逼。因為係公司時呀馬請我飲左杯咖啡，好大杯，我無飲哂但都好飽下，搞到我都唔係太餓。叫左板海膽，有d 壽司，今次無叫刺身。因為好多都係飯，我最尾都飽到食唔哂。大家都唔係太舒服，食完好快就走，我上左mandy 屋企坐，佢呀媽呀爸都係度，睇左陣電視就走啦，我真係太累啦。