物非所值

2008-01-29 日記

果日收到另外一家agent 打黎 (前後3 間)，又話有投資銀行既工介紹，我話已經搵到工，佢又以市場調查式口吻問我工作既細節。難道銀行界真係好景成咁﹖

夜晚同個中學朋友食飯，去左網友介紹既意大利餐廳食飯，間野係佐敦。因為收工都七點多，所以好遲先到，對於一個六點準時放工既人黎講，等我係好慘。結果七點半去到間野，唔係太多人，氣氛好似幾好，暗暗地，暗到想訓教。叫左每人一個海鮮湯，一個意大利粉腸 (個名好難聽)，同埋一個公司pizza (即係pizza hut 既至尊)。個湯得一隻蝦，無乜料，收我62 蚊一個，簡直物非所值。個粉腸好普通，個pizza 薄切切，無乜料，又細，同朋友傾左陣計，都係傾下工作同股票d 野，我話如果我無左穩定既收入，我既生活會好難捱，因為我每個月既保費，基金同還錢都多，所以一定要有工做先得。我個朋友話佢都需要買保險，此中都要有個保障。我叫佢早d 買，越早買越平。

埋單成315 蚊，貴到飛起，完全係物非所值，個朋友話食氣氛，如果咁既價錢同環境，我去又一城既Little Italy食好過。

地址:
Tivoli意大利餐廳
尖沙咀柯士甸道130號地下