2008-02-13 日記
前日去左我同Mandy既飯堂”恆香盞”食飯，坐低左一陣，睇下食d 咩野既時候，個經理走埋黎問我地記唔記得上次食個餐87蚊有無賣單，因為佢地最後埋數發現無出到單，mandy 即刻話有。之後個經理同個職員講話: 個客話有喎。職員: 真係無賣單架。之後我地食野，d 侍應係度眼望望咁，成日望我地，搞到我地鬼咁唔安落，之後我地一路食都一路嘗試諗返當時既情況，因為成個月前，又唔係mandy賣，佢自己食完出左去先，我又唔記得有無賣過單。見到d 人係度眼望望，我叫個經理個黎，我地問佢張單食過d 咩，點解一定係我地，我地又反映d 人係度望望下好唔安落，佢即刻對唔住咁話知道我地係熟客，成日黎幫襯，所以先問下我地，張單佢都已經取消左，之後又不停叫我地唔好介意。
我返到屋企，想話check 下我有無記錄低一月時有87蚊既eat out 數，但都係無，可能加左其他數落去，我完全無比過錢既記憶，可能我真係無比到錢就走左。因為我相信佢個電腦多過我既記憶，佢無出到單我又點比錢呢﹖
skip to main |
skip to sidebar
記住比意見!!
4 則留言:
成個月前都記得你地，你地真係勁。成個月先食都叫熟客，俾我我一定走人以為唔去食。
近期比較少去，以前去得多係因為成日都係pacific coffee 讀書，所以順便去食飯，一個月兩三次咪認得我地囉....如果真係無比錢，我地都唔想架。
咁都俾人認得你地~~~~
如果真係你地無俾到錢，咁難怪人地記住你地個樣又望住你地既~~~
因為唔係我埋單，但係我都記我我地當日食過d咩，但係呢位陳生完全無印象，又唔知自己有無埋單，正常人o係清醒既情況下自己做過乜野點都有d印象，佢話無，咁我估佢真係無埋到單囉，等我仲死人都話有埋到，鬼咁火羅皮，因為我點都諗唔到佢點解唔去埋單！o個d waiter waitress 一定諗：「o個兩個賊公賊婆都好唔要面喎，上次唔俾錢，今次食過翻尋味.....」簡直係我人生既污點！
發佈留言