CJ7

2008-02-02 日記

星期六同Mandy 去左屯門shopping，成個商場都好多人，個個都忙著辦年貨，包禮物既做到唔停手。經過一間CD 鋪，我買左隻Harry Porter 既”鳳凰會的密令”，佢就買左謝安琪同張繼聰既新碟，佢又要買新鞋過新年，佢想買返對converse，搵左好耐先搵到。去到一間運動用品店，入面d 貨品好似搶住黎買咁。佢揀左一對金金地，銅色既鞋，都真係幾靚，係試鞋時，睇一睇時間，六點﹖唔係掛，買左六點五飛係天水圍銀座睇”CJ7”，試一試岩著就比錢走人，趕到去入場，已經開始左，但應該唔係做左好耐。套戲由周星馳主演，講佢執到隻外太空狗，比左佢個仔之後發生既故事。睇完套戲，我既意見係香港既特技宜家已經好有國際水平，非常真實，但此終故事性同外國既片真係差好遠，故事劇情非常普通簡單，又多抄雜成份，跟本就唔需要一個編劇去寫劇本。呢套戲嘛嘛地，係Mandy 話睇姐，唔係我都唔睇。

睇完戲食飯，去左椰林閣食，好耐無去，都係食d 普通野，不值一提。返去屯門，行過OK，想試下佢既特濃朱古力雪糕，但又係賣哂。之前都已經賣哂，可能真係好正，咁快就賣哂。