與凱風一聚

2008-04-03 日記

星期四約左凱風食飯，放工後去左雪櫃拎支perrier 比佢飲，d 法國礦泉水係任拎，雪櫃大把，我地係金鐘meet左，再去銅鑼灣，順邊去埋交收。去到CWB，有兩個選擇，一係西班牙菜，一係意大利菜，但凱風去左個間西班牙餐廳覺得唔係咁好，咁就決定去一間意大利餐廳，係維園對面，個間餐廳我想試好耐，好耐之前我記得有雜誌介紹過呢間野。入到去氣氛唔錯，睇左陣餐牌，叫左一個risotto (意大利海鮮飯)，同埋一個pizza，個pizza 好似好把炮，因為個menu 寫住個pizza 係由world champion pizza designer 設計，真係誇張。間野學哂人地外國d 衰野，無水飲，要飲就比錢，我地要左still water，即係普通既礦泉水。

個飯真係唔錯，好正，兩個人分真係唔多夠喉，雖然唔係好多料，但最主要既飯味同汁都好好，好味道。個pizza 睇落好簡單，無咩料，唔係我地平時食開個d pizza 咁多料。但其實都幾好味，食得出d 用料係好，佢有塊ham 係上面，加埋少少草，芝士係靚野，真係唔錯，可惜就真係唔多夠食。甜品食左tiramisu，幾好味但唔係好突出個種。

同凱風傾計，知道佢就黎去上海做野，做酒店，咁就會好少機會見面，真係唔捨得佢。

最後埋單食左五百蚊，都幾貴，淨係支水都收我45蚊，pizza 200，飯160 ，甜品 68，加埋一500 差唔多。宜家轉左工後唔知點解好捨得洗錢，可能有ot 錢，個心態係: 洗多左o 返就補返。