去Leo 屋企玩

2008-04-05 日記

果日去左mandy 個朋友leo 屋企玩，上到去kelly，cman 同 l lan 仲有leo 係度打緊麻雀，我唔識打，我自己係度打psp，佢地打到無幾耐大家就玩其他野，有個game 係叫做"爆炸一叮"，個箱入面有個氣球，箱面有好多hole 比你用支野"吉"落去，吉爆個波就輸，輸既要食西餅 (似係獎勵多d )，其間唔知咩事我一手整爆個球，都唔知有咩好驚，又唔痛既。

叫左pizza 同kfc 外賣，好味，不過我都係鐘意食超級至尊多d 。食完玩"x大D"，比kelly 一個贏哂，我好耐無玩，都唔多識出牌，輸左10蚊比佢，跟住玩"射龍門"，未玩過，幾過癮喎，結果贏左幾十蚊，到十一點半就搭車走啦。去到站先知無哂58m，頓時唔知點返屋企，結果搭綠van 去上水，再火車返沙田市中心，打的返屋企，車費都幾十蚊，贏左既錢就係去哂搭車度，真係慘。