939 同1398 既估值計算

2008-05-12 日記

宜家又有返d 心情去研究下d 股票，心得如下:

1. 根據早前建行覺得以3 倍市帳率買永隆貴，我覺得本地銀行股價以2.5 倍左右為合理。所以我會願意以3 倍或以下市帳率買939 或1398。

2. 根據近幾年既NAV 增長率，我估計939 同1398 既NAV 2008 會有最少20% 增長，即係話939 係2.17，1398 係1.93

3. 以3 倍市帳率計算，我願意付出去買939 既價係6.52 或以下，而1398 我就會以2.8 倍市帳率，即係5.41或以下。

4. 因為939 既ROE 比1398 高，派息比較多，股息增長率有10%，而1398 只有7%，所以我願意以3 倍買939 。

5. 根據佢地既首季業績，我估939 EPS 08 有0.448，1398 有0.384。如果以6.52 同5.41 計算，P/E 分別係14.54 同埋14.09。

6. 我又計返07 年既合理價格，分別係5.43 同4.51。睇返呢個價，真係落過呢d 價位。如果根據咁樣估值，係呢兩個價位買入，都有可觀既利潤。

7. 有半年無買過股票，都累積左少少錢，宜家就係耐心等候機會出擊既時候。