女朋友生日

十九號同曉明去左Cafe Macro 食自助餐慶祝佢生日，我送左隻手表比佢做禮物，呢件係第一件有代表性既生日禮物，以前都係送d 垃垃雜雜野比佢，無咩代表性，今次送隻表比佢，都買左1800蚊架，不過佢開心就得啦。

上年我生日又係去呢間野度食，當時都係平日黎姐，上年有成九成入座率，今次得50%都無，基本上都唔洗book 都有位，我見到咁既情況，腦根又係諗到d 經濟野，唔通因為股市同經濟環境既因素﹖食物水準都無咩改變，應該唔多關味道事。上年07 年股樓齊升，300蚊一位既自助餐無咩大不了，宜家個個既資產少左咁多，經濟前景又唔好，通脹又咁勁，呢d 可食可不食既自然減少支出。

早前調查指第二季既市民既消費增長比第一季跌左好多，反映宜家d 人真係慳得就慳，無謂野買少左，我自己都感受到通脹既壓力，何況有家庭負擔既打工仔。