一日之分享

尋日因為太夜所以宜家先打返尋日日記

首先祝願 Kelvin 前程錦繡，去到新工作地方有好既發展。

宜家匯兌部已經出現斷層，得返 Andy 同 我係叫做有d 經驗，對落全部新仔，舊人既走得就走，如果連我同andy 都走埋，我真係想像唔到會係點，學呀andy 話，"只係唔做野既人做返佢地要做既野姐"

尋日減持左d 股票，佔組合市值五分一，吐現四萬幾蚊。原因係市場升幅多，大部份股票去到rsi 70 以上超買區，同埋hsi p/e 去到差唔多18 倍，基金要減持，我預計未來幾個月會有一次調整，就好似三月時，但係我依然對後市睇好，熊市未有機會發生，年尾十一二月應該升返，qdii 同奧運會令市場維持向好，所以當調整時，股票到rsi 30 超賣區時，我會再入市買大型增長股。如果我今次睇得準，我會以此為投資策略。

放左工去讀書，研究會計既Statement of Cash Flow，對我黎講真係幾難，我要用好多時間先可以知道d 數點轉黎轉去，但係覺得呢樣野真係好有用，至少我有興趣去研究。本來有個人係應該同我一齊讀書，點知結果係我有我讀，佢有佢訓，真係懶到死。

尋晚同任仔傾電話傾到兩點，本來問佢關於blog 既野，結果講講下又講左股票，由於我地既投資理念都差唔多，所以特別好傾，佢又教左我少少技術分析，對我睇買入位好有幫助。