無題

一早起身沖個靚涼，打返尋日未打既日記，讀埋未讀哂既section ，睇埋錄左未睇既"學警出更"大結局，一個早上就咁過左。

每個星期六都要去北角上堂，今日既topic 係macroeconomic，又係我既拿手好戲，當然上堂聽起黎得心應手啦。上足三個半鐘，真係幾累。落堂諗到有問題，呀sir 都幾用心教，唔錯。

放學搭車返屋企，約左mandy係沙田市中心食飯，又係去我地常去既 Fish & Co 食魚，咁又食左二百幾蚊，都幾貴，又唔夠飽，鬼叫我鐘意食炸魚咩。

食完行下citysuper，突然見到我係英國飲過一啖就頂唔順既飲品" 米夢" Rice Dream。即刻買黎叫mandy試下史上最難飲既飲品，點知一飲，"點解唔難飲既，都ok 喎" 我試下，發覺好飲左，我唔知係口味變左定佢好飲左定係同一牌字既第二隻飲品，mandy就好失望以為真係好差。