週末活動

今日一整日都無乜做過野，下午打左幾鋪winning，五點幾出去剪髮。出到睇落無乜人，但係我都要等四個字先有得去洗頭，可能洗頭仔唔夠，見到得二三個咁。剪髮都剪左五個字，可能我太長同厚，髮型師要剪耐d ，結果五點半去到，六點半先走人。我個人係唔鐘意去剪頭髮同兩個幾月先剪一次，一來慳返d 錢，二來成日等好耐。

剪完髮要去買即食麵，一箱三十包個隻，我去一間叫"家興"既超市買，呢間野都有分店既，我係屯門見到。呢間野我好唔鐘意去，一來舊，二來無服務可言，但係佢勝在平過兩間大型超市，所以都好多人買野。d 即食麵放係好高既地方，我問個收銀叫人幫我拎，佢話個個人去左食飯，叫我自己去拎，嘩，真係顧客至上啦。我為有自己拎條梯去拎囉。

我真係唔會為左慳呢d 一個幾毫而去呢d 咁既服務質素既超市買野，我零阮去返百佳買，行得舒服d 同有禮貌d ，買都買得開心d 啦。