經濟問題

2007-07-22 日記

尋日下午同呀爺呀嫲五個人去沙田賽馬會飲茶，見到我英國中學時認識既同學 係第二枱飲茶，但係我無叫佢，因為我唔係咁鐘意呢個人。飲完茶同呀媽去左第一城買餸，之前我要幫Mandy 買防毒軟件，三年期總共348 蚊，都ok。買完餸返到屋企都四點。

休息一陣就開始讀書，尋日終於都的起心肝讀書，讀Quantitative Method (QM)，呢課係一個大topic，主要係計數，本書用financial calculator 黎計，但係我無，為有用條式代返d 數落去計，雖然都計到，但係比用機計慢，所以我遲d 都要買返部機黎考試。初初d 數唔難計，但係本書d 字多到嚇死人，其實只係計d 數好似: 你存左10000蚊，5%年息，問你5 年後有幾多錢，深d 既有: 你每月定期存1000蚊，5%年息，5 年後有幾多錢。我暫時學到呢度，再讀落去應該會難d 。期間，突然諗到有d 經濟既問題，於是我send e-mail 比個呀sir 問佢，問題係: 如果人民幣升值300% 佢話美國貿赤會重差，我唔明，因為美元對人仔會跌左，咁唔係美國出口到中國會有改善咩﹖佢好快就回覆左我，一言驚醒夢中人，我終於知道點解會差左。如果大家知道點解會咁或想知點解會咁，請留言話比我聽。

我此終都要睇一陣哈利波特，雖然睇過幾次，因為呢個戲令我回憶起係英國中學時既日子，無論校舍既設計，飯堂都好似，所以睇呢部戲都幾吸引我。