呀sir

2007-07-21 日記

尋日上堂，教 Global Economics，即係個d 貿易呀，匯率呀個d 咁既野。呢個topic 我唔係好熟，所以我都好留心聽，聽返就記得返起以前學過既野。呢個呀sir 係CFA，charter financial analyst，係BNP 呢間投資銀行度做，佢話宜家全球CFA 年薪個mean 係大約20-30 萬美金，即係大約二百萬一年。所以好多人都走去讀financial，希望可以入到I-bank 度做，賺取高薪厚職。但係幾多人又真係可以去到呢個水平。

我讀呢個course 主要係因為之前考個d 證券學會既試對我黎講比較容易，所以我想挑戰自己，睇下我既金融知識去到邊個層次，另外對我對宏觀經濟既分析能力都好有幫助，投資技術都會有所提升。
呀sir 好鐘意用實例或假設性既問題黎講解，例如講到匯率，佢會用97 年金融風暴，佢又會假設人民幣升值300% 對美國既貿赤有無幫助呢類問題。除左呢樣，仲有講到油價問題，八萬五政策，佢對所有經濟既問題都好熟，果然CFA 既層次真係好高，所以佢地先值得收咁高人工。我覺得付出1 萬蚊學費去上堂係值得既，so far 我都學到好多野。