投資組合

2007-07-26 日記

任仔想知道我既投資組合係咩，我就同大家分享下:

1. 建設銀行 (939) – 我係上年一月頭已經買左，回報超過一倍，最近減持左少少。
2. 工商銀行 (1398) – 買過幾次，最後買入係六月頭，平均價大約係4.15 左右，由於時間 短，回報未係可觀。
3. 宏利金融 (945) – 上年七月頭買，由於果時未識技術分析，所以買入時間唔好，所以到宜家回報都唔係可觀。
4. 渣打銀行 (2888) – 一隻我喜愛既銀行股，今年五月中買入，回報都有一成。我會候低位再吸納。
5. 玖龍紙業 (2689) – 內需股，今年五月尾買入，買入價16.24，宜家回報大約有50%。但我估計短期會回落，係一隻基本因素好好既股票。
6. 東亞銀行 (23) – 最新收購。我覺得華資行最好係佢。近五年平均盈利增長有20%，基本因素好但股價落後既股票，價位係150天平均線以下，下跌風險有限。

除左股票，我仲有投資環球股票基金:

1. 歐洲新興市場基金
2. 東歐基金
3. 亞洲基金
4. 香港股票基金
5. 高息香港股票基金

以月供方式，我已經投資左接近三年，好好彩我係係04 年復甦時開始，所以宜家回報超過50%，真係多謝當時幫我計劃既朋友Alex Mok 既意見。