市場見解

2007-07-27 日記

星期五全球股票市場大跌，香港下跌超過六百點，呢個係我預料之內，所以早係七月中已經減持左部份股票，但只佔組合市值五份一，但已有一定資金可以買入平貨，我一直留意緊幾隻股票，好似中壽 (2628)，中國神華 (1088) 同埋中交建 (1800)，呢三隻股票近月上升左好多，個別p/e 去到50-60 倍，所以我覺得下跌風險好高，我相信沒有只漲不跌既股票，獲利既人越多，下跌既風險越高。

雖然我預計大跌市，但係未能估到佢會咁快到，如果遲多兩三個月我就可以有更多資金，同我唔知今次會唔會形成勢頭變成調整。美市係美國時間星期五計星期四大跌後再下跌多200 點，星期一香港會唔會跟隨再下跌，真係不得而知，但如果再跌，我會暗自歡喜。

任仔早前問我關於期權期貨既問題，呢d 野我只係考左證券學會既試而知道，完全無實戰經驗，但我知道如果我既組合市值去到大約四五十萬既時候，我相信有需要用黎對沖風險，所以係時候要學定先。我覺得如果任仔對金融及投資有興趣，應該去真真正正上下堂，淨係識技術分析係唔夠既，要配合埋基本分析先夠準確。

我自問經驗未夠，投資技術有待提升，所以我只係分享下我既個人意見，千其唔好信哂。