美食

2007-07-29 日記

尋日起身打返哂三日既日記，真係有d 辛苦。以後都係唔好咁耐先打，好易唔記得左做過d 咩。

食完飯研究下部新計數機，照返上堂時個d 步驟計返，點知計極都計唔到，搞左好耐，不斷嘗試，又睇下說明書，原來每次計完一條數都要clear 哂之前入既資料，如果唔記得就計錯哂d 數。玩左一陣終於掌握到點用。咁計個d finance 數就方便d 啦。

呀媽突然話想食好野，於是就book 左檯去食又一城既 Amaroni's Little Italy 既意大利菜。之前我都食過好多次，但係好耐都無食過。我地三個人叫左個炸洋蔥絲，意大利海鮮飯，意大利肉腸pizza 。未食過炸洋蔥絲，細佬話試下，黎到成座山咁高，高度有半呎，真係誇張。海鮮飯好好味，d 飯用海鮮湯煲，所以有好濃既海鮮味，呢個味道令我諗起係英國食既西班牙海鮮飯，仲好味。個pizza 係table size，大約有兩張A4 紙加埋咁大，d 腸好濃味，但有少少salty，個皮有d 林，呢次無咁正。三個人食唔哂個pizza ，打包，之前食我地都次次打包，因為d 份量真係好多。埋單每人150 蚊左右，好過我尋日食個間野多多聲。

返屋企睇哈利波特，睇過幾次都仲睇，一路打winning 一路睇，呢個夜晚唔讀書，休息返下啦。