今日睇到人地d blog 生動有趣，雖然唔係寫好多字，但係就好好笑同生動。我發覺自己寫既野都幾悶，人地睇睇下可能會悶。你地覺得呢﹖

越黎越唔想返工，每日都係打字，好鬼悶。每日起身都唔想返工，諗住想請個病假算，但係一諗到要留返d quota 去見工，就每日都堅持自己返啦。

話唔想做.....又唔努力搵工，一返屋企就睇電視，無心去搵，之前都有in 過下話請我架啦，可惜人工傾唔掂，結果又要死死地氣留係度做，對住d 呀姐真係想死。諗諗下真係有d 後悔無接受人地既人工offer，人工差唔多，但係可以係一間證券行個期貨部門做，呢個乜唔係自己既理想咩﹖仲要揀﹖唔可以為一千幾百而放棄自己既理想，第時學有所成仲要打理家族生意，咁先係應該走既路。唔通一世做死匯款﹖我唔想好似呀叔，乜姐物姐咁。

呢個理想係驅動我去不斷考試，除左拎牌，對自己既投資技術都有幫助。下個星期要開始搵工，搵得黎八月放假可以in