無題

2007-08-03 日記

星期五我個組有個同事請左病假，加埋本身有個同事請假，五個人得返三個人，好多野做，平時唔做野既我都要做野，真係慘。個日之後就放大假，放到十六號先返工，一定要好好咁利用呢個假期。除左讀書，會去兩日澳門，又約左舊同事食飯。唔好見我成日讀書，我成日讀讀下就搞其他野，又試過讀讀下訓著左，如果呢d 咁既意外計算在內，我咁早讀差唔多架啦。宜家既短期目標係一個月後個revision quiz，要搞掂埋佢，唔合格既可能claim 唔返持續進修基金，咁就慘啦。

放工返黎睇左強劍大結局，都未睇過咁差既武俠片，唔通唔用人地既小說做藍本就唔識寫武俠劇本﹖睇完讀埋個課書上堂用，上堂時又講到好淺咁，但係點解每課書都咁厚既﹖

Check e-mail，收到一個個名好熟但又唔記得係邊個既人add 我facebook，我入去睇，原來係我以前係dean close school 教我computing 個個呀sir add左我，估唔到隔左六七年佢都記得我，我個account 淨係有timothy chan 呢個名，又無相睇，點知一定係我喎。同佢係facebook 傾左一陣，佢話英國大水災，我地間學校同個市都浸哂，d 人要去超市買水，同係街度輪水，真係慘。