不合理拋售

2007-08-02 日記

尋日東亞銀行 (23) 公布中期業績，稅後盈利增加19.9% / 18.77億，但比市場預期 19-20 億低，股價被即時拋售，收市跌超過4%。市場既不合理拋售令我覺得好奇怪，你話業績倒退就話姐，升20%都沽﹖匯豐銀行盈利升25%，比市場預期最高14% 高好多，數字好似好好，其實如果唔計特殊盈利入帳，只係升14%。市場低估匯豐既實力，所以匯豐個日升2%。我覺得東亞業績幾好，升20% 絕對唔差，仲有佢上升既盈利全部係核心業務，唔係特殊利潤，所以我覺得佢既業績比匯豐更好。如果市場咁鐘意特殊利潤，東亞有四億特殊利潤係下半年入帳，到時睇下個價會去到咩情況。呢個情況令我記得有一年思捷環球盈利創新高，但係股價被拋售跌超過10%，但係你睇下宜家佢個價點﹖東亞咁跌一跌比人一個低位買入既機會，可惜我有太大比重既香港銀行股，所以唔應該再買入。八月中就到渣打銀行公佈業績，睇下到時又點。