澳門旅行第一日

2007-08-09 日記

自從放假之後，好耐都無打過日記，所以之前好多日都唔記得左。咁就由我去澳門個日寫起。

星期四出發去澳門，因為天氣關係，之前一直擔心可唔可以順利起行，不過最尾都可以出發。搭十點半船，去到十一點半，即刻搵酒店車，等左一陣就有，可能係平日，無咩人去澳門，所以我地包車去酒店。去到即刻check in 啦，我地太早到，間房未準備好，於是我地去附近食下午飯先，去左一間有少少”莊收”既餐廳，我就叫左個福州燴飯，mandy 就叫左個四川羊肉麵，佢個麵唔好食，成腕油，不過都幾辣。我個飯幾正，足料，36 蚊，有返咁上下。食完飯差唔多一點，返返去酒店拎房，佢話準備好啦喎，咁我地上房休息啦。點知原來仲清潔緊，個d clearer 比個類似supervisor 既人狂鬧，話佢地未搞掂就話搞掂。我地企係房門口都有d 唔好意思，好似我地累佢地比人鬧咁。幾分鐘後清潔好，咁放底d 野休息下。開電視睇，岩岩做”交易現場”，睇到個市上午收市升返二百點，好似穩定左咁。但係我d 資金都仲未用。

係房度就懶得動，直到六點先出去食飯，拎住個地圖諗住去”沙利文”食葡國雞，行行下唔識路，結果要搭的士去，原來都幾遠架喎，跟本行唔到去。去到叫左半隻葡國雞，一個”馬介休球”，夠哂食啦。我次次去澳門都去呢間野食葡國雞，因為我覺得好食。

食完搭巴士去黑沙食燒烤，去到點知無開門，問過個度d 人原來宜家日頭先開，夜晚唔開，又白行一次。結果去左另外一間買豬排包食，個間都唔好食既，用餐包，都唔係用豬隻包既。買左幾貫汽水就返酒店啦。呢一日過後就係惡夢既開始。