2007-08-10 日記
呢一日係其中一日最黑仔既日子，對我黎講，遇到咁既情況真係好少。
九點鐘起身，準備落去食早餐，mandy 話佢訓得唔好喎，成日聽到有水聲，我就一覺訓到天光，都幾好訓。十點去食早餐，都無咩好食，我食左好多麵包，煙肉同腸仔，食完真係可以唔洗再食午餐。食完返房睇下電視咁，到十二點就check out，去漁人碼頭換返個豬排包食，一人一半，都好食過我之前個個用餐包既。搭車去新馬路行下。去左咀香園食手信，mandy 就買左d 豬肉乾，我就買左d 葡國腸諗住比呀媽整葡國雞時落落去。我仲係一間麵包鋪度買左五個豬仔包，呀媽鐘意食。
雖然我地張飛係搭四點半船，但係都早d 去碼頭睇下有無得搭早d 返香港。去到碼頭，知道原來個風吹返轉頭，香港即刻掛八號風球，死啦，所有船停哂，無得返香港呀。要落波先可以開船。好多人都被迫留係碼頭等消息，包括我地在內。我地三點去到碼頭，香港兩點半掛八號。為有同好多人一樣坐係地下等，好似難民咁，期間有人問我地借電話打返香港，我地唔借比佢，驚人搶左個手機。結果，我地等左幾耐，大家都知，香港九點幾落八號，我地就咁坐係度六個幾鐘，坐到pat pat 都痛。所有人既面孔都無哂表情。呀媽期間打比我話我知d 天氣情況，好似宣佈幾時會落波，幾時真係落波咁。
九點半鐘左右，宣佈掛三號，d 人開始起哄，個碼頭個時已經有成千人係度等，好多人即刻走去排隊準備買飛，有d 人有飛既就排入去海關個度。我即刻問d 職員，我拎住飛，日船，唔知排邊度，條友叫我排買飛個度，因為要補夜船錢，咁我排住隊先啦。我諗諗下又無咩道理，我叫mandy 再去問其他職員，佢話有飛既排入海關個度就得，下! 唔同職員唔同答案﹖有無搞錯。咁我地排邊呀。又無廣播喎，場面亂哂大龍。如果唔理啦，去排入關個條，死入去啦。唔係有排都返唔到香港。終於入到去等船個gate 度，第一個gate full 哂人，職員叫去第二個gate，d 人即刻係咁衝去，我叫mandy ，你跑唔跑到，跑到就跟住我，我即刻衝去，監硬zip入條隊到，又拉mandy 入隊，如果慢d ，唔知要等幾多班船先走得。終於上到船，個時係十點七。返到香港差唔多十二點，送mandy 搭960，之後我搭地鐵去佐孰再搭N281 返屋企，返到去都一點七。成身濕哂，好累……………
呢一日係其中一日最黑仔既日子，對我黎講，遇到咁既情況真係好少。
九點鐘起身，準備落去食早餐，mandy 話佢訓得唔好喎，成日聽到有水聲，我就一覺訓到天光，都幾好訓。十點去食早餐，都無咩好食，我食左好多麵包，煙肉同腸仔，食完真係可以唔洗再食午餐。食完返房睇下電視咁，到十二點就check out，去漁人碼頭換返個豬排包食，一人一半，都好食過我之前個個用餐包既。搭車去新馬路行下。去左咀香園食手信，mandy 就買左d 豬肉乾，我就買左d 葡國腸諗住比呀媽整葡國雞時落落去。我仲係一間麵包鋪度買左五個豬仔包，呀媽鐘意食。
雖然我地張飛係搭四點半船，但係都早d 去碼頭睇下有無得搭早d 返香港。去到碼頭，知道原來個風吹返轉頭，香港即刻掛八號風球，死啦，所有船停哂，無得返香港呀。要落波先可以開船。好多人都被迫留係碼頭等消息，包括我地在內。我地三點去到碼頭，香港兩點半掛八號。為有同好多人一樣坐係地下等，好似難民咁，期間有人問我地借電話打返香港，我地唔借比佢，驚人搶左個手機。結果，我地等左幾耐，大家都知，香港九點幾落八號，我地就咁坐係度六個幾鐘，坐到pat pat 都痛。所有人既面孔都無哂表情。呀媽期間打比我話我知d 天氣情況，好似宣佈幾時會落波，幾時真係落波咁。
九點半鐘左右，宣佈掛三號，d 人開始起哄，個碼頭個時已經有成千人係度等，好多人即刻走去排隊準備買飛，有d 人有飛既就排入去海關個度。我即刻問d 職員，我拎住飛，日船，唔知排邊度，條友叫我排買飛個度，因為要補夜船錢，咁我排住隊先啦。我諗諗下又無咩道理，我叫mandy 再去問其他職員，佢話有飛既排入海關個度就得，下! 唔同職員唔同答案﹖有無搞錯。咁我地排邊呀。又無廣播喎，場面亂哂大龍。如果唔理啦，去排入關個條，死入去啦。唔係有排都返唔到香港。終於入到去等船個gate 度，第一個gate full 哂人，職員叫去第二個gate，d 人即刻係咁衝去，我叫mandy ，你跑唔跑到，跑到就跟住我，我即刻衝去，監硬zip入條隊到，又拉mandy 入隊，如果慢d ，唔知要等幾多班船先走得。終於上到船，個時係十點七。返到香港差唔多十二點，送mandy 搭960，之後我搭地鐵去佐孰再搭N281 返屋企，返到去都一點七。成身濕哂，好累……………
沒有留言:
發佈留言