大跌市

2007-08-17 日記

呢一日終於比我遇到咩係大跌市，跌一千幾百點真係好激，睇到自己既組合一下子唔見一萬蚊真係…………都唔知咩感覺啦。結果收市只係跌二百八十點，真係做戲咁做，可幸既係到宜家成個組合都未輸緊錢，只係賺少左好多姐…………好彩係七月我已經放左d 股票，賺左一萬蚊。所以宜家點都係賺。呢次跌市好明顯係比機會大家入貨………….我相信係短期既波動姐。星期一好大機會會高開…………我唔可以成日睇住個市，所以星期五根本入唔到貨。

諗緊入唔入多一手渣打，宜家呢個價真係好吸引，17倍市盈率，但係我已經有3 手，再入會唔會多左d ﹖

之前讀左cfa 既equity analysis個課，學左點計內在價值。計完d 股票……..雖然宜家d 股票未跌到低過內在價值，但係市場價格係計埋expectation，所以如果你話要低過內在價值先買貨，我諗只係股災先發生。我又計左d 股票既growth，渣打同匯豐銀行，東亞，永隆比較，渣打係最好………我又計左玖龍紙業同中交建，佢地都係有好高增長率，當然，要配合佢地既基本因素。但係如果只係考慮佢地既ROE 同 retention rate，佢地係好高。

星期一考慮放左宏利，買入高增長股份如中交建，玖龍紙業，中國神華，手上有太多金融股份，要買其他行業打番暈。