足球回憶

2007-08-25 日記

星期六上完堂去灣仔等mandy 放考試，今次唔係九龍灣，係灣仔修頓室內運動場考，佢考到七點，我六點半已經去到，有時間就係修頓睇下人地踢波。我以前住灣仔好近修頓，以前d 同學仔都係多數住附近，所以成日走落去修頓球場踢波，宜家大家各散東西，唔係外國讀書就搬左去第二度，大家都好難再約踢波，我都好懷念中學時代既踢波日子。去到英國既中學，參加足球學會，同d 鬼仔踢，好有英格蘭足球風格，好體力化，試過比人從後飛鏟跌左落泥漿度，香港無d 咁既野玩呀。上到大學，同d香港人一齊踢，有一隊team ，有馬來西亞同泰國外緩，初初踢唔嬴d 大陸仔，踢踢下可以嬴到佢地同日本仔，同d 鬼都有得踢下。如果大學踢開個隊係香港踢，應該都唔錯。

七點鐘meet 埋mandy 去食飯，行行下佢見到個手袋靚，咁就買左啦，但係我覺得嘛嘛地喎，可能我對衣服無咩tastes。去食國際咖哩，食左咖哩角，鐘意佢個mint sauce，食左非洲辣雞，無以前咁好食，食左咖哩蝦，有汁撈飯，蝦又唔洗meat，正。食完好飽，209 蚊賣單都ok。

食完都九點幾，我好累，所以大家就返屋企啦。