踢波

2007-08-26 日記

尋日一早起身，做題目，做derivative，做書後面d 題目，之前都做過架啦，做多幾次做熟d 。呢個topic 我都算熟，因為真係好有用，日常生活都會有時遇到。

下午約左andy，佢個朋友，kevin，呢外一個同事，我同細佬去長沙灣踢波，想叫埋呀tom，佢要去第二度踢，唔得閒，下次早d 叫佢。好耐無踢啦，宜家又要返學，都去唔到永隆個度踢，鬥左兩場波，第一場比人勁攻，但係就憑一次攻門就入波，但係整體我地真係踢好屎。第二場大家踢得好d 啦，有返d 組織，我自己有個攻門，可惜踢中”微”，d 體能真係無以前咁好，下次真係要試下問何賢，睇下佢得唔得閒踢。

夜晚睇米堡對new castle，都幾好睇，我睇好客隊，今季人腳好好多，結果係2 比 2 打和，new castle 入左個靚波。本來想睇曼聯對熱剌，但係無睇，去做埋forward 個part 幾條題目，十二點幾就訓啦。