中國交通建設 (1800)

2007-09-16 日記

尋日十一點半先起身，即刻計返個excel ，因為每月十六日係月結，我會計返個人資產既變動，結果九月十六日比八月十六日個人資產總值上升左四萬三千幾蚊，由於股票個度增長強勁，每一次調整完之後都會黎一次大反彈，總資產已經突破四十萬，離目標又近左啦。

一點半食完飯，我幫細佬補習econ. ，教佢national income，即係GDP, GNP 個d 。講到我口水都乾埋，我應該解釋得佢明既，兩個鐘好快過。諗住想讀下書，任仔又send msn 黎問我野，講講下又講左股票，佢話forum 有人話中文建 (1800)，有特殊收益入帳，所以呢次中期盈利升左1.5 倍，咁我就睇下份業績啦。我睇返個捐益表，係”其他收入”裡面真係有個特殊收益，我睇下footnote，原來2010 年係上海開世界博覽會，佢其下子公司要搬遷，政府補償比佢既補償金，總共六億三千六百萬，如果扣除此非核心收入，實際”應佔權益持有人”只係21 億 8 百萬，比06 年中增長95%，如果計每股盈利 Earning per share，2,108,000,000 / 14,825,000,000 = 0.142 比上年中增長只係40%，如果考慮”毛利”，毛利係記錄佢核心業務，佢只係增長27%，以宜家60 倍p/e 黎計，真係好貴，可能宜家個價陰d 陰d咁跌係咁既原因。但係，通常下半年業績會好過上半年，所以唔可以下定論。睇埋下半年先算啦。