一家人食飯

2007-09-15 日記

星期六，平時同mandy 去街都無咩做，大家都好忙，我又要返學，佢又要幫人補習，大家夜晚先可以meet，今次唔同，今次約左佢同埋我呀媽細佬去我屋企食飯。我放學去銅鑼灣買，佢就直接去我屋企，呀媽話銅鑼灣個間野好抵，我去到，嘩，好多人買野，我買左d 壽司，三文魚刺身，仲有海膽，海膽抵呀，68 蚊一板，平時起嘛 80-90 蚊。結果買左四百三十幾蚊，佢即叫即整，因為多order，我企係間鋪頭企左八個字，企到好累。之後即刻搭 680 飛返屋企。返到去，咁岩mandy 又差唔多到，就一齊返屋企啦。呀媽整埋泠麵，應該夠食啦。

返到去八點半，岩岩開波，阿仙奴對熱刺，打比大戰，應該幾好睇，一路食刺身，一路睇波，感覺真係好。食食下，原來d 三文魚刺身唔夠喉，應該買多d 先岩。Mandy 佢唔係食左好多野，佢話飲左支水好飽喎。睇得出呀媽好開心，一來佢鐘意食日本野，二黎佢鐘意一家人一齊食飯，又有人請佢食，當然開心啦。食完岩岩睇完上半場，阿仙奴比人入左一球，但係我無睇哂成場，我食完去左打機，mandy 就係我房check e-mail，我呀媽同mandy 好鬼friend，佢又同mandy 係咁傾計，講下是非，講下d 女人野咁。Detail 就唔知講咩啦。

十一點半，mandy 走啦，我送佢去搭車，真係開心。