最差投資

2007-10-3 日記

果日好唔開心，因為我受唔起恐懼心，早上放左隻沽輪 @0.44 幾日內蝕左2200 蚊，我未試過投資會咁驚，波幅實左太大，雖然話買得少，用黎對沖我手上股票下跌既風險，但係見住個市咁強，真係被佢既升勢征服，結果對沖唔成，仲要蝕左33%，之後午市，大幅下跌700 點，成倒v 形，隻輪由低位升返上去六毫子，真係激到吐血，點解會咁失敗，對沖策略係用得岩，但係就係衰恐懼，我呢次投資就好似一般師奶炒股一樣咁差勁，高買低沽。實在係激死我啦..........只係差半日，我就成功，宜家對沖又對沖唔到，到真係跌已經無左隻沽輪對沖，今次真係輸得最慘烈一次。Alex Mok 話係牛市時買沽輪係好難同危險既事，買輪需要克服貪婪同恐懼，要有100%輸哂既準備，雖然買得少者，輸哂都唔會影響我d 咩，但係此終都係錢，無就無啦。

宜家為有吸收呢次既教訓，好好部署黎緊有可能發生既調整同睇下投資咩股票。