網上股票買賣

2007-10-5 日記

去旺角度試機已經試左幾日，都算順利，試多兩日個system 應該可以上，我從呢個project 度學到好多野，我學既唔係點寫program，而係學會由用家既角度去諗d 整個system，點講比programmer 你需要d 咩，最緊要係當佢地整好個system 時，你要識點計劃去試個program work 唔work，有無bug，同你個需要一唔一樣，因為一上左機去改就好嘛煩，呢d skill 對我第時返公司幫手搞新system 好有幫助，初初老細比我搞呢個project 時，我都唔多想搞，一來無咩興趣，二來真係唔想做野，但係整整下，原來好多野可以學到，宜家我都唔多唔少都有d 滿足感，因為老細都信哂我，比我自己搞點，佢都唔理啦。我最想就係一手一腳搞點，唔洗有人插手，當然.......我唔明唔識既時候都會去問返老細既。

下午同garrison 同埋佢個同事去左bistro delifrance 食，佢地咁豪既，食個午餐都食五十幾蚊，原來係永隆做有八折，每人都係四十幾蚊，是但啦，好過係飯堂食豬肝。garrison 知我係證券行買股票 (但唔知係我屋企開)，又係度問我d detail，我咪係度sell 囉，Min comission 75 0.25% 抽新股免費，無存倉費，收股息又唔似銀行咁收幾十蚊commission，我又話真正識炒股既人係唔會幫親銀行買賣，因為實在太貴又多雜費，好可惜佢鐘意上網買賣，我間行又無，總括我之前一直收集返黎既情報，我掌握到宜家年青人係鐘意上網買賣，所以如果我入返公司做，搞返個網上買賣係必要既。(十年前我做暑期工時已經有網上買賣，可惜未流行同宣傳不足而無做) 之前同alex mok 傾過我返公司做既野，佢比到我一個重要既意見: 要先用呀爺保守而穩健既作風行事，令呀爺先信任你才可以安心比你大搞，一言驚醒夢中人，呢個可能係我呀爸得唔到呀爺既信任既原因。