同朋友食飯

2007-10-17 日記

尋晚約左 Ivan Yip 食飯，去左灣仔既國際咖哩度食，呢個朋友係我大學一年時去加拿大旅遊時識既，到宜家都仲聯絡緊都算係咁啦。早放工，佢又唔洗返學，reading week 喎，六點半去到灣仔join 佢，佢已經係三聯度睇緊書，大家都餓餓地咪早d 去食飯囉，叫左個二人餐，有非洲辣雞，咖哩蝦，咖哩角，另外叫左個油蘇餅，傾下計，佢宜家係香港大學讀緊建築master，仲有一年先畢業，佢呢d 咁專業既行業，係要讀到master 先有用。咖哩角依然係好好食，但係個雞就無以前咁好食，佢可能換左老細，d 裝收都唔同哂。

食完都係七點幾，一齊行左陣電腦城，我對電腦咩都唔識，都唔知有咩睇，ivan 話如果買laptop 可以搵佢，因為佢大學買有discount，佢話成七折，真係抵喎。行完佢再去買書，我就返屋企啦，走前叫左佢星期五黎踢波，佢話ok，咁多個人黎踢啦。搭680 返屋企，廢時搭地鐵火車咁耐，車上同任仔msn，又係度燒錢。

十二點幾見到alex mok 上網又叫左佢黎踢波，佢話ok，又多個人，連埋我同細佬都有成四個人，加埋同事個d 都係得六個，宜家搵人踢波真係好難，唔係話遠，就係話早，或要讀書，真係多excuse。喂……..有邊個想踢波呀，join 埋啦………