終於踢返場好波啦!!!!

2007-10-19 日記

果日又去左長沙灣踢波，好開心可以約到ivan 同alex mok 一齊黎踢，十點去到球場，天氣幾好，有風，唔係太曬，都幾適合踢波。果日係重陽節，無咩人黎跟隊，但係都有人黎踢，我地有六個人，我，我細佬，ivan yip，alex mok，andy chan 呀錦，如果kelvin 都黎埋就好啦。

個日我細佬入左兩球，我都有球汁死雞入，果日既表現大家都好好，我既狀態都提高左，alex mok 打個中場好好，可以分到波比隊友，打到組織，andy 係後防夠哂高，頂返個波比我進攻，ivan 打右後位 零失誤，簡直係perfect，呀錦後上助攻，非常落力，我細佬入兩個波，但係因為佢失誤累到輸返兩球，但係整體都好落力，至於我自己，可以打返自己善長既中前場，信心好左，射門都多返d ，可惜唔入，但係都ok 啦，可以再好d 。

下次除左alex 同ivan 外，我會試叫埋tom，睇下佢得唔得閒踢，有埋佢同kelvin，成隊波既實力就會強好多。