富力地產 (2777)

2007-11-29 日記

尋日同Tina 姐去JP Morgan 聽seminar，講關於OFAC 既野，個seminar 係成個東南亞同步進行，有菲律賓，台灣，巴基斯坦等地，我唔係第一次去，上次都去過聽swift 既野，佢個seminar 同我以前去個d 咁好，宜家無野食，得coffee or tea，又無紀念品，好廢，以前去過citibank 個seminar，有refreshment，聽完仲有buffet lunch 食忝，d 食物真係唔差。有一次係bank of America 搞，去disney hotel 度聽，有野食有紀念品，真係正。

尋日又再買左股票，買左富力地產 (2777) @32 蚊 800 股，睇好內房股，下年人民幣會加快升值，有利資產價格上升，雖然利率未來會上升，但係此負面因素唔足以抵銷升值既影響，長線我覺得依然比香港地產股睇高一線，短線睇好香港地產，因為負利率既宏觀環境因素，同樓價比97 年仲有一段距離，資金成本低此中對所有既資產價格有利。

富力地產專賣豪宅，大陸既有錢人跟本唔洗借錢買樓，加息對佢既銷售影響有限，佢既發展主要係廣州，天津同北京，現開始進軍其他地區，配合足夠既土地儲備，發展潛力無限。

尋日又再同呀媽bargain，佢又再話肯借5萬比我，但係最好既買入時機已經過左，之後買既風險會增加，如果係買，我會入神華 (1088) 或一隻香港地產股。之前任仔買入美聯 (1200)，佢係根據網上既分析而買入，我睇過個分析，分析得幾好，同我之前既想法差唔多，但此中係短線既利好走勢，或者我會考慮。