CFA 考試終於到來臨

2007-12-02 日記

十二月二日係補選日，又係兩鐵合併，又係CFA 考試，過左尋日，終於都完結。
尋日我五點九起身，天都未光，就要摸黑上路。九點鐘係亞洲國際博覽館開考，但係一定要預早半個鐘去到準備。我搭火車到Hunghom，再搭 A21 去考場，八點半左右到達，已經有好多人係度等，成個場好似一個大既集中營咁，乜野都無。個度有幾個hall 考，我估計加埋都有3 – 4 千人考試。考前要check in，將所有袋放係門外，包括手機，只可以拎鉛筆計數機入內。

九點鐘正式開始，分早午兩場，各三個鐘做120 條MC，一睇早上份卷，比我想像中易，我之前做既mock exam 難d ，但係此中我未有睇哂所有既topic，所以就算幾淺我都係唔識。最尾十幾條開始個腦轉得慢，但係都做得哂，咁當然FSA 個part 好多都撞或估估下。三個鐘考完，大家都走去食飯，考完撞到個同學，咁就一齊食啦，我陪佢買飯，我自己自備三文治，一個飯盒 50 蚊，好貴。食飯同埋andy 同佢個friend 坐，食完再溫左一陣書，一點半又要去考試。

兩點開考，一睇份卷，即刻難左，無早上咁易，同埋我開始累，個腦轉唔夠快，結果最尾十幾條亂做，呢份做得好差，算吧啦，一定唔合格。由我入到大學到做野期間考過既試都未試過唔合格，今次終於都要衰一次。

總結今次既失敗原因:

1. 鬥志唔夠堅定
2. 壓力唔夠
3. 輕視考試範圍
4. 輕視對考試需要既深入程度
5. 用左錯誤既讀書方法去準備呢個試
6. 唔夠努力