假期第一天

2007-11-07 日記

今日係十四日長假既第一日，之前申請呢個假係因為要準備十二月二日既考試，但係我宜家係成個人無哂鬥志，成個星期都無讀過書，今日本來係要讀，但係一早起身，食過早餐後又係係度睇下d 股票，睇下333 財經台d 股價，又同任仔msn，無哂讀書既心情。唔得喎，最少我都要嶺南個course 合格先可以claim 返8000 蚊持續進修喎，好彩只係40% 就合格，比起真正cfa exam 70% 差好遠。我成日係度安慰自己，考試唔得唔緊要，我大約都識個d theory，都算係學到野，個d model 唔記得d 式，所以考試果時係唔識計既。如果唔合格，就會蝕左8500蚊 (6500 考試費 + 2000 蚊course fee (已減左持續進修))，我由頭到尾都無諗過考哂cfa 3 個level 做基金經理，我初初考只係因為想挑戰自己，考1 7 8 對我黎講太容易啦。我之前問呀sir，個d model 計完可唔可以賺到錢，佢話呢d model 只係紙上談兵，實戰如果靠計數去買股票就一定死硬。雖然d model 無咩用，但係有d theory 係有用既，好似 Top-down approach analysis，industry cycle，一d macroeconomic 既theory 都可以幫你分析成個經濟同公司既情況。

我覺得買股票除左分析能力外，仲有就係 EQ，跌市唔怕，升市唔貪，但係講就易，做就難。好似我一直睇住既玖龍紙業 (2689)，跌到落rsi 3x，移動線又配合，去到十九蚊又有買盤買返上去，我應該係要二十蚊左右買，結果我無跟住我既策略做，無買到，你睇尋日同今日﹖尋日升左2-3%，今日爆升9%，去返23 蚊，比我睇到上返，可惜信心唔夠。宜家個市真係好難玩，資金加政策市，快上快落，無基本分析可言。科斯托德蘭尼講過: 大牛市係要兩個因素先可以形成: 1. trend 2. capital 資金。宜家個市就係有呢兩樣野，資金太多，同業拆息得返3 %，真係低得很。我可能真係要認輸，做淡友要付出代價，好彩既係我唔係絕對既淡友，長線係大好友。睇黎又係差唔多為我d 資金搵出路。