講鬼故

2007-11-08 日記

我今日聽到一個幾得意既故事，想分享下。我地證券公司當買賣完會拎d 單去對返d statement 先寄比人，對對下發現有個account 有問題喎，D 人初初都唔知咩事，check 清楚，原來個個a/c holder 已經死左，吓﹖死人都買股票﹖d 人紛紛討論，唔係咁邪呀﹖七月過左啦喎……….唔係全民皆股呀宜家，連鬼都想賺返d 錢………

原來後尾再check 真d，個transaction 係呀爺自己入機，但係佢又入錯左個戶口，呢個戶口又無cancel 到，結果咪搞到咁囉……..唔洗自己嚇自己既。

尋日日記先話完可能調整已經完結，今日一起身一睇，美國跌左三百幾點，咁癲﹖今日個市都唔方好得去邊，結果今日真係裂口低開九百五十點，呢兩日既升市又再一次陰哂d 人入市啦。收市跌左九百四十幾點，報二萬八千七百六十點，都調整左成接近三千點啦。美國經濟宜家衰到貼地，睇黎次按呢家野真係幾嚴重。雖然話美國對我地影響力細左，但係佢此中係全球第一大既經濟體系，我地又同美元聯繫匯率，此中都有影響。見到d 商品好似金，油，資源價係咁升，bond yield 又跌，証明資金真係由美國股市走去商品市場呢d 資金避難所，所以我估美國股市真係無咁快可以復原，香港調整都唔會咁快完，跌多一千點啦我估。宜家2628 跌到45 蚊，p/e 60倍，07 年佢業績升一倍既就可以跌到得返 30 倍 P/E，係一個吸引既水平，此中人壽保險既業務既增長唔會少過30%，當然如果佢再跌d 會更好。短線我睇好金股，油股同煤股，所以1088 神華會係我其中一個目標。