最後六日......

2007-11-27 日記

考試臨近，倒數六日，知恥近乎勇，異常努力，尋日做左個mock exam，但係做唔哂，FSA 未做，今晚返去做埋佢，上星期讀左Bond，QM，同Corporate Finance，識做多左題目，但此中FSA 都係未讀過，所以都係唔可能合格。尋日用真實timing 黎做，比之前做mock 時快好多，可能真係識多左，做多左既分別，突然間有返少少信心，但唔覺得會合格，只係如果我下次再考，我有信心會合格姐。
因為我知道用咩方法去讀先岩。

星期日要去到國際博覽館個度考，尋日check 左點搭車，真係好唔方便，我個區無直車到，我仲諗緊點樣搭，我諗個日要六點起身啦，真係慘。

考完試後又要開始搵工，今次我真係唔理人工，只要係搵到想做既公司同工種就去做啦，學習同相關經驗都重要過人工既多少。我浪費左太多時間係呢個部門，係要出去再尋找新既挑戰。