差勁既讀書態度

2007-11-22 日記

兩星期既假終於放完，開心既時間真係過得快，但係我無去第二度旅行，初初係八月時申請既呢個假係為左係個假期度好好溫習，但係到放個時又無乜點溫，此中無左鬥志又真係好難去溫，結果每日都一早起身，唔係溫書，係睇哂所有財經新聞，等開市，開市時又同任仔討論，咁就更加溫唔到書。

係17 號個日考左個mock exam，結果份卷比想象中難，考出黎既成績當然好差啦，宜家既讀書態度同中五時差唔多，識我耐既朋友就知我中五時係幾咁差。結果成個假期就咁浪費，考試亦都無得救，距離真正考試仲有一個星期多，可能係知x 近乎勇，呢兩日都努力左少少，放工返黎溫書，合格就無可能架啦，考好少少唔好咁差啦。