入市

2007-11-13 日記

恆生指數 – 27803.35 升 137.62 +0.5% 成交 – 1540 億

今日真係過癮，同任仔係msn成日研究股市，由開市十點到收市四點，大家都睇住哂d 圖，我又開住電視既now 財經台睇實d 股價，真係好有職業炒家feel. 我記得我個cfa 呀sir 講過，一個分析員每日都要睇住幾個圖，連訓覺都要放係床度，呢d 圖例如有金價圖，油價圖，匯市圖，股市圖，債市圖，缺一不可。因為佢地係有correlation，大家都有關係。

尋日三點先訓，今朝九點四就起身，自己起，好似下意識咁開市前就要起身，一起身就睇下d 新聞先，開住個財經台邊聽邊煮早餐食。尋日美市再跌，但係唔多，唔可以當ref.。食過早餐後，岩岩開市，我同任仔都等緊機會入市撈貨。大家都手持大量現金等待，如果 EQ 低d，可能之前已經忍唔住入左市。開市初初有d 支持，但係開始越跌越急，唔知係咪岩岩今日公佈既中國10 月CPI 達到 6.5% 既關係，呢次又係主要由食品價格上升所至。市場預期人行會加息。最後早上收市都跌左五百幾點，曾經跌過600 點，跌過50 天平均線，報27100 點。我地覺得機會黎啦，任仔問我入市未，我話等食飯時間睇下d 圖，因為有update到。我睇到2628 rsi 已經跌到30，係超賣，跌穿哂50 天線，但係未到收集區，即係38 蚊左右，恆指就未到rsi 30，得40 左右，未到超賣，呢個係一個憂慮。結果睇埋午市點先。上海A 股早過港市開，所以我地就睇住個內地股市既變化，佢由早市升過100 點到下午倒跌100 點，睇住佢一點一點咁跌，我地諗，香港開市應該會再跌，2:30 開，真係再跌，但係戲劇性出現啦，A 股由跌100 點慢慢一點一點又升返，只係跌30 點，港市亦開始進行一個V形反彈，睇住個圖由跌五百點上到只係跌170點，果時大家覺得好似8月17 日既反彈咁，有d 人知道大家都唔知既消息炒返上去，我地估計可能調整完結已經不遠，大家就開始入市啦。任仔買3968 招行同2628中壽各一手，我只係買左 2628 中壽 @42.6 1000 股，大市結果已經補返哂早上既跌幅，仲要倒升返137 點收市。可惜有憂慮就係成交唔夠大，及恆指未去到超賣，如果跌到超賣，應該要跌多1000 – 1500 點左右，未可以確認調整已經完結，但相信距離唔太遠。買完中壽，我仲有37000 蚊買貨，如果個市真係再跌，都仲有錢低吸優質股份。要睇埋今晚美市同聽日個市點，先可以再評估個走勢。