無線上網

2007-12-8 日記

捱左一個月，死下死下咁，尋日我個route終於都返魂無術。即刻落第一城買返個router用，買左個D-Link 既無線router，可以整無線上網，我之前一直都想玩下無線上網，結果我買埋個adaptor 比我個laptop 用，兩樣野加埋 680 蚊，問過呀steve 佢話價錢ok。返到屋企即刻玩下新野，我呢個電腦白痴最怕就係攪呢d 電腦野，因為成日都比電腦玩返轉頭。今日自己裝又估唔到咁易喎，睇住說明書一步一步跟住做，估唔到又唔洗set 野，都幾容易，話咁快就set 好哂可以無線上網，就連部PSP同PDA phone都可以wifi上網，又幾過癮喎，拎出廳上都得，咁就方便d 啦。之前個router 又要我入ip，又要我搞個config，真係搞佢唔掂。宜家d 真係好user friendly。宜家科技進步，生產力及效率得以提升，係”經濟學”上，呢個係持續令經濟增進既主要因素。