聖誕聯歡

2007-12-03 日記

個日我地部門開聖誕party，叫左”新興”到薈，有好多野食，例如魚蛋，羅白糕，意粉同沙律。食完仲有”大抽獎”，頭獎係500 蚊百佳禮卷，人人有獎永不落空。而我抽到乜﹖勁啦…………..抽到JPMORGAN 送出既枱”戰”，一set 五塊，我都唔知用黎做乜。今年加多左現金獎，十五份，即係2 分 1 機會抽到，d 現金獎有幾多錢﹖50 蚊囉，比其他禮身好好多架啦。

唔好以為又食又拎，我之前係比左250 蚊出黎，唔食都要比，真係無陰公。人地部門唔洗比錢，最多無獎抽姐。我地既禮物全部都係唔洗錢得返黎，係由各行家送出既紀念品。我係永隆過左3 個xmas，一年比一年差，比既錢就一年比一年多。

黎緊 10 號就我地永隆太子請食buffet，同兩個部門一齊搞，有差唔多六十人。呢個就唔洗比錢，叫做有返d 安慰。未到xmas 我已經收到咁”貴重”既禮物，真係多謝哂，我既匯兌部。