頂唔順，都要睇醫生

2007-12-21 日記

果日朝早個肚又痛，今次比星期三更加痛，零晨五點幾就痛醒左，係張床度”look”黎“look”去，但係又未痛到入急症，我都無哂辦法，就咁痛到八點半左右，頂唔順，打比呀terry 請病假，再打去book 醫生，張卡片寫住九點應疹，打去d 姑娘話九點九醫生先返，咁我就book 九點九啦，沖個涼行過去差唔多，去到岩岩九點九，等左一陣就到我，睇完醫生話係腸炎，但係無講點解咁，我又無食錯野，又唔係食好飽，都唔知點解會有事。我叫醫生比3 日藥我，因為上次我睇佢，佢比兩日藥，但係我食完都未好返，今次要保險d。埋單 260 蚊，可以claim 返公司 180 蚊，自己都要嘔80 去黎，又係慘，又破財。

返到屋企，即刻食藥，食左之後又真係舒服左，下午食左d 粥，清一清腸胃，我打比mandy 話佢知我可能睇唔到戲，因為星期四個日係網上book 左飛係奧運睇”魔間傳奇”，mandy 鬧我，話我一早又唔去睇醫生，宜家先黎睇，搞到佢睇唔到 Will Smith，我又係衰既，如果我星期三個日有去睇，可能星期五以經好返，我本身就係一個唔鐘意睇醫生既人，唔到頂唔順都唔睇，所以成日請病假都請兩日，第二日先去睇醫生，真係衰。

食左兩次藥之後，個肚又唔痛啦喎，但仲係有少少”那”住，最後我都係去左睇戲，睇八點鐘，部戲唔係我想像中咁，太過簡單，但係又唔係唔好睇，都有好多緊張位，我都唔知點評語呢部戲。

下次再病，都係第一時間睇左醫生先，廢事要辛苦咁耐。