平安夜，食好野.......

2007-12-24 日記

前日係平安夜，首先祝各位有一個開心既聖誕節。我都有一個開心既平安夜，因為我可以一家人同埋mandy 係屋企一齊慶祝。

前日六點半左右放工，即刻搭車返去沙田citysuper 買埋最後d 野，細佬已經係市中心等緊，去到二話不說就即刻買左兩pack 煙三文魚，呢隻係蘇格蘭出產，好過norway 既好多，d 紋理同色澤都清楚好多，買左300g 共200 蚊左右，之後再睇下有咩買，行過見到有人切緊西班牙既火腿，嘩，即刻比佢吸引住，電視介紹就睇得多，自己就真係未試過，呢隻ham 係由西班牙既黑腳豬切出黎，我叫佢比我試少少，一食落去，好正，唔係好濃d 味，有d 似我地平時食既金華火腿。唔洗諗即刻買左一pack 返去，110 蚊，即刻搭車返屋企開餐。

返到屋企，mandy 已經黎左，唔洗幾耐就有得食啦。頭盤首先係garlic 法包配西班牙火腿或煙三文魚，又有三種芝士送紅酒，但係我唔係太鐘意飲紅酒，所以無飲。

之後係沙律及mushroom cream 湯，d 沙津好正，特登叫呀媽整埋d 麵包糠，落去食，加埋lemon 汁，dry bacon，香草，芝士粉，真係正到飛起，好食過出面d 多多聲。

之後係鵝肝出場，但係因為d 肝全部都係脂肪肝，所以只可以食少少，不過真係好香好味。

之後終於到主菜出場，焗羊脾。拎出黎個賣相唔錯，但係因為焗得過左火，所以熟過頭，好硬，食都食唔到，呢個呀媽第一次整，都算係失敗之作，但之前既食物已經夠飽，所以都ok。美中不足就係無dessert。為有拎包係英國食開既thai sweet chili 既薯片食啦，係taste 度買，好快賣哂，有錢都買唔到。係屋企食仲好過係街食，係街都無咁好既料比你。

一連幾日既日記都係圍繞住食物，因為我鐘意食好野，但係唔鐘意行街買衫，所以平時d 人用錢買衣服，我就用左黎食野，只係大家既消費模式唔同姐。